शनिबार ०६, असार २०७७ १२:२८
काठमाडौं । नेकपाकाे सचिवालय बैठकले विदेशी महिलाले नेपाली पुरुषसँग विवाह गरेको ७ वर्षपछि मात्रै वैवाहिक अंगीकृत नागरिकता दिने व्यवस्था गर्ने निर्णय गरेको छ ।
शनिबार बसेकाे सचिवालय बैठकले लामो समयदेखि प्रतिनिधिसभाको राज्य व्यवस्था तथा सुशासन समितिमा छलफल भइरहेको सो विधेयकमा समितिमा सहमति जुट्न नसकेको स्थितिमा नेकपाकाे धारणा स्पष्ट गरेको हो ।
समितिमा उक्त प्रावधान राख्न प्रस्ताव आएकामा विपक्षी दलले त्यति लामो अवधि राख्न नहुने बताउँदै आएका छन् ।
नेकपाको बैठकपछि पार्टी प्रवक्ता नारायणकाजी श्रेष्ठले त्यस्तो नागरिकता प्राप्त गर्न ती व्यक्तिले सम्बन्धित देशको नागरिकता परित्याग गरेको प्रक्रिया आरम्भ गरेको हुनुपर्ने पनि निर्णय गरेको बताए । बैठक प्रधानमन्त्री निवास बालुवाटारमा भएको थियो ।
प्रतिकृया दिनुहोस