२०८० फागुन १५ गते मङ्गलबार | 27 February, 2024

एमालेको  संकल्प यात्रा झुलाघाटबाट आरम्भ

- विशेष खबर बिहिबार १४, मङि्सर २०८० ११:०९

एमालेको  संकल्प यात्रा  झुलाघाटबाट आरम्भ
एमालेको बैतडीबाट आजदेखि आरम्भ भएको ‘झुलाघाट–चिवाभञ्ज्याङ समृद्धिका लागि सङ्कल्प यात्रा’ शुभारम्भ कार्यक्रममा अध्यक्ष तथा पूर्वप्रधानमन्त्री केपी शर्मा ओली । तस्बिरः विनोदसिंह विष्ट/रासस

बैतडी । नेकपा एमालेको ‘झुलाघाट–चिवाभञ्ज्याङ समृद्धिका लागि सङ्कल्प यात्रा’ आजदेखि  आरम्भ भएको छ । यात्राको एमालेका अध्यक्ष तथा पूर्वप्रधानमन्त्री केपी शर्मा ओलीले शुभारम्भ गरे ।    

अध्यक्ष ओलीले बैतडीको झुलाघाटमा आज बिहान  नेपाली झण्डा झण्डोत्तोलन  गरेर सङ्कल्प यात्रा शुभारम्भ गरेका हुन् । सो अवसरमा  अध्यक्ष ओलीले ‘समृद्ध नेपाल, सुखी नेपाली’को परिकल्पना पूरा गर्न अभियान थालिएको बताए ।

राजनीतिक अस्थिरता अन्त्य गर्न र सकारात्मक परिवर्तनका लागि अभियान फलदायी हुने उनको भनाइ थियो । 
 
सङ्कल्प यात्रा शुभारम्भपछि आजै बैतडी सदरकुकाम गोठलापानीमा आयोजना गर्न लागेको  आमसभालाई अध्यक्ष ओलीले सम्बोधन गर्ने कार्यक्रम रहेको नेकपा एमाले बैतडीले जनाएको छ।

आजै साँझ बैतडीको खोडपेमा बझाङका नेता कार्यकर्तासँग अध्यक्ष ओलीको भेटघाटको कार्यक्रम रहेको सो पार्टीले जनाएको छ । 


प्रतिकृया दिनुहोस