बिहिबार १७, असार २०७८ ०९:३३
काठमाडाैं । नेकपा एमालेले बोलाएको केन्द्रीय कमिटी बैठकमा वरिष्ठ नेता झलनाथ खनाल–माधवकुमार नेपाल पक्ष सहभागी नहुने भएको छ ।
बिहीबार खनाल नेपाल समूहको बुद्धनगरमा बसेको बैठकले यथास्थितिमा बैठकमा सहभागी नहुने सर्वसम्मत निर्णय गरेको उपाध्यक्ष भीमबहादुर रावलले जानकारी दिए ।
एमालेले महाधिवेशन आयोजक कमिटी भंग गरी शुक्रबारका लागि केन्द्रीय कमिटी बैठक बोलाएको छ ।
पार्टीलाई २०७५ जेठ २ अगाडिको अवस्थामा फर्काउनुपर्ने माग गर्दै आएको समूहले अहिलेको स्थितिमा बैठकमा सहभागी हुन नसकिने निष्कर्ष निकालेको हो ।
प्रतिकृया दिनुहोस