आइतबार ३०, जेठ २०७८ ०७:२६
पोखरा । गण्डकी प्रदेशका नवनियुक्त मुख्यमन्त्री कृष्णचन्द्र पाेख्रेलले मन्त्रिपरिषद् विस्तार गरेका छन् ।
आफूलाई समर्थन गर्ने दलहरुबाट एक–एक जना मन्त्री समेटेर उनले शनिबारनै पाँच सदस्यीय मन्त्रिपरिषद् बनाएका हुन् ।
पाेख्रेलकाे दल नेपाली कांग्रेसबाट कुमार खड्का मन्त्री बनेका छन् भने माओवादी केन्द्रबाट मधु अधिकारी, जनता समाजवादी पार्टी (जसपा)बाट हरिशरण आचार्य र स्वतन्त्र प्रदेशसभा सदस्य दीपक मनाङे मन्त्री बनेका छन् । चारैजना मन्त्री विना विभागीय हुन् ।
मुख्यमन्त्री पाेख्रेल र मन्त्रीहरुले प्रदेश प्रमुख सीता पौडेलसामु शनिबार राति पद तथा गोपनीयताको सपथ लिएका थिए ।
प्रतिकृया दिनुहोस