सोमबार ०१, भदौ २०७७ ०७:५१
काठमाडौं । सत्तारुढ नेकपाको सचिवालय बैठक साेमबार बिहान साढे ९ बजेका लागि बस्दै छ ।
गत साउन ४ देखि अवरूद्ध सचिवालय बैठक साढे ९ बजे बालुवाटारमा बस्न लागेकाे प्रधानमन्त्रीका प्रेस सल्लाहकार सूर्य थापाले जानकारी दिएका छन् ।
बैठकमा नेकपामा जारी विवादको समाधानका लागि शुक्रबार गठन भएको ६ सदस्यीय कार्यदललाई अनुमोदन गर्ने छ । यसअघि सचिवालयकै केही सदस्यहरुले कार्यदलको वैधानिकतामाथि प्रश्न उठाएपछि सचिवालय बैठकबाट अनुमोदन गर्न लागिएको हो ।
शुक्रबार दुई अध्यक्ष केपी ओली र पुष्पकमल दाहालले नेकपाको हालको विवाद समाधानका लागि सहमतिको प्रस्ताव तयार पार्ने महासचिव विष्णु पौडेलको संयोजकत्वमा शंकर पोखरेल, जनार्दन शर्मा, पम्फा भुसाल, भीम रावल र सुरेन्द्र पाण्डे सम्मिलित कार्यदल गठन गरेका थिए ।
कार्यदलले शनिबारदेखि नै काम थालिसकेको छ ।
प्रतिकृया दिनुहोस