आइतबार २५, साउन २०७७ ०६:१०
एजेन्सी । श्रीलंका पोदुजाना पेरामुना पार्टीका नेता एवं पूर्व राष्ट्रपति महिन्दा राजापाक्षले आइतबार श्रीलंकाको प्रधानमन्त्री पदको सपथ लिएका छन् । संसदको निर्वाचनमा पेरामुना पार्टीले भारी बहुमत प्राप्त गरेसंगै महिन्दा राजापाक्ष प्रधानमन्त्रीमा नियुक्त भएका हुन्।
राजापाक्षले कोलम्बोमा रहेको केलानीया बौद्ध मन्दिरमा आयोजित भव्य समारोहमा प्रधानमन्त्री पदको सपथ लिए । राजापाक्ष चौथो पटक प्रधानमन्त्री भएका हुन ।
राजापाक्षको दल पेरामुनाले गत अगष्ट ५ मा सम्पन्न चुनावमा २२५ सदस्यीय संसदमा १४५ स्थानमा जितेको थियो ।
श्रीलंकाली निर्वाचन आयोगका अनुसार गत बुधबार सम्पन्न चुनाव श्रीलंकाको इतिहासमै पहिलो पटक सर्वाधिक शान्तिपूर्वक रुपमा सम्पन्न भएको थियो । कोरोनाभाइरसको महामारीका बाबजूद यस चुनावमा करिब ७१ प्रतिशत मतदान भएको थियो ।
श्रीलंकाली इतिहासमा भाइ र दाइ एकै पटक मुलुकका दुई सर्वोच्च राजनीतिक पदमा पुगेकाे याे पहिलाे पटक हाे । महिन्दाका भाइ गोटाबाया श्रीलंकाका राष्ट्रपति छन् ।
प्रतिकृया दिनुहोस