बुधबार २१, साउन २०७७ ०९:४१
वीरगञ्ज । पर्सामा गत सोमबार मृत्यु भएकी एक किशाेरीमा कोरोना संक्रमण पुष्टि भएको छ । पर्साको पोखरिया नगरपालिका–९ बस्दै आएकी १८ वर्षीया किशाेरीको कोरोना संक्रमणबाट मृत्यु भएको हो ।
उनलाई पखाला लागेको थियो । अवस्था जटिल बन्दै गएपछि उपचारका लागि सोमबार नेशनल मेडिकल कलेज लैजाँदै गर्दा उनको बाटोमै मृत्यु भएको थियो ।
मेडिकल कलेजमा स्वाब संकलन गरेर नारायणी अस्पतालको प्रयोगशालामा परीक्षण गर्दा मंगलबार राति उनको रिपोर्ट पोजेटिभ आएको नारायणी अस्पतालका मेडिकल सुपरिटेन्डेन्ट डा. मदन उपाध्यायले जानकारी दिए ।
पोखरिया–८ जगतपुर घर भएकी ती किशाेरी पोखरिया–९ स्थित मामा घरमा बस्दै आएकी थिइन् ।
याेसँगै पर्सामा कोरोना संक्रमणबाट १३ जनाको मृत्यु भएको छ ।
प्रतिकृया दिनुहोस