मङ्गलबार १३, साउन २०७७ ०८:५५
दार्चुला । दुहु गाउँपालिकाका ३ को सल्लीमा मंगलबार बिहान पहिरोले घर पुरिँदा एकै परिवारका दुई जना बेपत्ता भएका छन् ।
दार्चुला तिंकर सडककाे माेड माथिबाट मंगलबार बिहान करिब ५ बजेतिर घरमा पहिराे खसेकाे हाे । सल्लेखेतीका ५० वर्षीय रामदत्त जोशी र उनकी श्रीमती ४५ वर्षीया इन्द्रा जोशी बेपत्ता भएको भएकाे जिल्ला प्रहरी कार्यालय दार्चुलाका प्रहरी निरीक्षक सुरेन्द्रप्रसाद जोशीले बताए ।
व्रह्मदेब प्रहरी चौकीबाट प्रहरी टोली बिहानै घटनास्थलमा पुगेर उद्धार कार्य भइरहेको र जिल्ला प्रहरीबाट पनि प्रहरी निरीक्षकको नेतृत्वमा टाेली पठाएकाे प्रहरी निरीक्षक जोशीले बताए ।
२ तले टिनको छाना भएको घरमा पहिरो खस्दा १ भैसी र ४ बाख्रा पनि पुरिएका छन् । घटनास्थलमा रहेकी दुहुँ गाउँपालिका उपाध्यक्ष इश्वरी जोशीका अनुसार दार्चुला तिंकर सडकबाट आएको पानीले माथिबाट पहिरो खसेकाे बताइन् ।
घर पुरै पुरिएको र जनप्रतिनिधि, प्रहरी र स्थानीयले पुरिएकाकाे खाेजी गरिरहेको उनले बताइन् ।
घटनामा बेपत्ता जोशी दम्पतीका छोरा सुनिल जोशी संयोगले बाहिर आएका बेला घरमा पहिरो खसेको बताइएको छ ।
प्रतिकृया दिनुहोस