- विशेष खबर शनिबार ०७, भदौ २०८२ १०:२९
काठमाडाैं । नेपाली कांग्रेस बैतडी-काठमाडाैं सम्पर्क समितिले शनिबार राजधानी काठमाडाैंमा तीज र गाैरा पर्वकाे अवसरमा शुभकामना र दर खाने विशेष कार्यक्रम सम्पन्न गरेकाे छ ।
हिन्दू महिलाकाे ठूलाे चाड हरितालिका तीज तथा गाैरा पर्वकाे अवसरमा काठमाडाैंकाे बालुवाटारमा शुभकामना तथा दर खाने सँगै सांस्कृतिक कार्यक्रमकाे आयाेजना गरेकाे हाे ।
सम्पर्क समितिका सभापति भानबहादुर चन्द (भाष्कर) काे अध्यक्षतामा भएकाे कार्यक्रमकाे प्रमुख अतिथिमा कांग्रेस केन्द्रीय सदस्य तथा सम्पर्क समिति समन्वय विभाग प्रमुख नानु बास्ताेला थिइन् ।
कार्यक्रमकाे विशिष्ट अतिथिमा राष्ट्रियसभा सदस्य तथा माओवादी नेतृ रेनु चन्द, बैतडीकाे पाटन नगरपालिका नगरप्रमुख गाैरीसिंह रावल, पुर्चाैडी नगरपालिका प्रमुख दीपकबहादुर बम, कांग्रेसका सुदूरपश्चिम प्रदेश सदस्य तेजबहादुर चन्द, कांग्रेस बैतडी प्रदेशसभा 'ख' का सभापति शिवराज भट्ट, जिल्ला कार्यसमिति सदस्य हिमालय बम, जिल्ला सदस्य कृष्ण धामी, काठमाडाैंकाे पद्मकन्या क्याम्पसकी स्ववियू सभापति भूवनेश्वरी ऐरलगायत नेताहरूकाे सहभागिता थियाे ।
कार्यक्रममा नेपाल सांस्कृतिक संघ सुदूपश्चिम प्रदेश सभापति उमाशंकर जाेशी, बरिष्ठ देउडा गायक महेशकुमार औजीसहित देउडागायक जनक महरा, भानुभक्त जाेशी, भावना चन्दलगायत कलाकारहरूकाे उपस्थिति थियाे ।
कार्यक्रममा बैतडी घर भइ विभिन्न सिलसिलामा काठमाडाैं उपत्यकमा बस्दै आएका ४ सय ५० जना भन्दा बढी सहभागिता थियाे ।
सम्पर्क समितिबाट हरेक चाडपर्वका बेला गृहजिल्लाका बासिन्दालाई सहभागी हुने बिभिन्न गतिविधि गरिँदै आएकाे छ । गत वर्ष पनि समितिले काठमाडाैंमा शुभकामना चियापान तथा सांस्कृतिक कार्यक्रम, सांस्कृतिक कार्यक्रमका साथ वनभाेज पनि आयाेजना गरेकाे थियाे ।
समितिमार्फत राजधानी बिभिन्न समस्यामा परेका बैतडी घरभएकाहरूलाई बेलाबेला सहयाेग समेत जुटाउने काम समेत गरिँदै आएकाे छ । स्वास्थ्य उपचार, शिक्षा, राेजगारी, वैदेशिक राेजगारीका क्रममा परेका झन्झटमा परेकाहरूलाई संस्थागत तथा व्यक्तिगत रूपमा सघाउने काम भइरहेकाे सभापति चन्दले बताए ।
प्रतिकृया दिनुहोस