- विशेष खबर सोमबार ०६, कार्तिक २०८० ०६:०७
मुम्बई । मुम्बईको कांदिवली क्षेत्रमा रहेको एक भवनमा आगलागी हुँदा दुई जनाको मृत्यु भएको छ । कांदिवलीको महावीर नगरको पवनधाम वीणा सन्तूर भवनमा आगलागी भएको हो ।
आगलागीमा परी अन्य तीन जना घाइते भएको समेत जानकारी प्राप्त भएको छ । समाचार संस्थाहरूले भवनमा लागेको आगोको भिडियो पनि शेयर गरेका छन् ।
संचारमाध्यमहरूले आगलागीमा दुई जनाको मृत्यु भएको पुष्टि गरेका छन् । सोमबार दिउँसो १२.२७ बजे आगलागी भएको हो ।
प्रतिकृया दिनुहोस