- विशेष खबर बुधबार १७, असोज २०८० १०:४०
काठमाडौँ । भारतको पूर्वोत्तर राज्य सिक्किममा भारी वर्षापछि आएको बाढीले जनजीवन नराम्ररी प्रभावित तुल्याएको छ ।
भारतीय सञ्चारमाध्यमका अनुसार टिस्टा नदीमा बाढी आउँदा सेनाका २३ जवान बेपत्ता भएका छन् । उनीहरु पानीको बहावसँगै बगेको आशंका छ ।
बाढीकै कारण चुङ्थाङ्ग बाँधबाट पानी छोडेपछि तल्लो भेगमा जलस्तर बढेको सञ्चारमाध्यमहरुले जनाएका छन् ।
अचानक आएको बाढीले सेनाको एउटा सवारी साधन डुबाउनुका साथै २३ जवान बेपत्ता भएको जनाइएको छ । उनीहरुको खोजी भइरहेको जनाइएको छ ।
जलपाइगुडी प्रशासनले टिस्टा नदीमा आएको बाढीलाई मध्यनजर गर्दै तल्लो भेगका तटीय क्षेत्र खाली गर्न आदेश दिएको छ ।
सिक्किमका मुख्यमन्त्री प्रेमसिंह तामाङ बाढी प्रभावित क्षेत्रको निरीक्षणमा गएका छन् ।
प्रतिकृया दिनुहोस