२०८१ मङि्सर ०७ गते शुक्रबार | 22 November, 2024

गमगढी बजारमा आगलागी हुँदा आठ घर जले

- विशेष खबर शनिबार ०६, असोज २०८० ०७:५८

गमगढी बजारमा आगलागी हुँदा आठ घर जले

मुगु । मुगु जिल्लाको सदरमुकाम गमगढी बजारमा गएराति आगलागी भएको छ ।

गमगढी बजारस्थित कालिका मालिका मन्दिरदेखि उत्तरतिर रहेको बजारमा आगलागी हुँदा ८ घरमा क्षति भएको जिल्ला प्रहरी कार्यालय मुगुका डीएसपी वीरेन्द्र थापाले जानकारी दिए।
 
नेपाली सेना ,नेपाल प्रहरी, सशस्त्र प्रहरी, नगर प्रहरी र स्थानीयवासीले आगाे नियन्त्रणमा लिएको उनले बताए।

उनका अनुसार गएराति काठले बनेको एकघरबाट आगो सल्किएको थियो । आगलागीबाट तार्के लामा, सोनाम लामा, जङ ऐडी, सान्तोना खत्री, पञ्च सेजुवाल, पिआर मल्ल, प्रदीप रावल र पुतली शाहीको घर जलेर नष्ट भएका डीएसपी थापाले जानकारी दिए।   

आगो नियन्त्रणका लागि गमगढी बजारमा वितरण गरेको खानेपानी पाइप लाइनबाट सुरक्षाकर्मीहरुले आगो नियन्त्रण गरेका थिए ।

विसं २०७८ कात्तिक २९ गते पनि गमगढी बजारको तल्लो बजारमा पनि आगलागी हुँदा १९ घर जलेर नष्ट  भएका थिए  । 


प्रतिकृया दिनुहोस