- विशेष खबर बुधबार १३, भदौ २०८० ०९:२१
काठमाडाैं । पाल्पाको रिब्दीकोटमा गुडिरहेको जिपमाथि सुख्खा पहिराे खस्दा तीनजनाको मृत्यु भएको छ। पाँच जना घाइते भएका छन्।
गुल्मी सदरमुकाम तम्घासबाट बुटवल जाँदै गरेको लु १ ज ४६०० सय नम्बरको जिपमाथि बुधबार बिहान रिब्दीकोट गाउँपालिका-२ देउराली जोर्ते र लघुवाको बीचमा पहिरोसँगै ढुंगा खसेको रिब्दीकोट–२ का वडाध्यक्ष ओमप्रसाद पोख्रेलले जानकारी दिए।
गुडिरहेको जिपमाथि ठूलो ढुंगा खस्दा घटनास्थलमै तीनजनाको मृत्यु भएकाे पोखरेलले बताए । घाइते पाँचजनाको पाल्पा मिसन अस्पतालमा उपचारका लागि पठाइएको उनले बताए।
पुरिएर एक महिला र दुई पुरुषको मृत्यु भएको जिल्ला प्रहरी कार्यालय पाल्पाका डीएसपी वीरेन्द्र थापाले जानकारी दिए । मृतकहरूको पहिचान खुल्न सकेको छैन ।
यही स्थानमा सडक डिभिजन पाल्पाले रातिको समयमा १० बजेदेखि ४ बजेसम्म सडक बन्द गरेर सडक स्तरोन्नतिको काम गर्दै आएको छ ।
प्रतिकृया दिनुहोस