२०८० चैत १६ गते शुक्रबार | 29 March, 2024

एक हजार रूपैंया चोरेको आरोपमा पत्नीको हत्या

- रासस शुक्रबार १३, साउन २०७९ ०९:४१

एक हजार रूपैंया चोरेको आरोपमा पत्नीको हत्या

लुम्बिनी । रुपन्देहीको कञ्चन गाउँपालिका–१ डेलरमा एक हजार रूपैंया चोरेको आरोपमा एक जनाले पत्नीको हत्या गरेका छन् ।

कञ्चन गाउँपालिका–१ डेलरमा ३१ वर्षीया सावित्री थापा क्षेत्रीको उनका पति यमबहादुर थापाले मंगलबार राति हत्या गरेका हुन् । उनले मादक पदार्थ सेवन गरी पत्नीको हत्या गरेको प्रहरी अनुसन्धानबाट खुलेको छ ।

एक हजार रूपैंयाका विषयमा विवाद हुँदा पतिले घरको भित्तामा टाउको ठोक्काएर पत्नीको हत्या गरेको प्रारम्भिक अनुसन्धानबाट खुलेको इलाका प्रहरी कार्यालय सालझण्डीका प्रहरी निरीक्षक जगन्नाथ मरासिनीले जानकारी दिए ।

हत्यामा संलग्न रहेको आशङ्कामा प्रहरीले यमबहादुरलाई नियन्त्रणमा लिई अनुसन्धान गर्दा हत्याको रहस्य खुलेको प्रहरीले जनाएको छ ।

प्रहरीले बुधबार बिहान सावित्री आफ्नै कोठामा टाउकोमा गहिरो चोट लागेको, कपालमा काठको टुक्रा र कोठामा रगत बगेको र छिटा देखिएको तथा शरीरका विभिन्न भागमा निलडामसमेत रहेको अवस्थामा फेला पारेको थियो ।

यमबहादुरलाई  नियन्त्रणमा लिइ सोधपुछ गर्दा हत्या गरेको खुल्न आएको प्रहरीले जनाएको छ । 


प्रतिकृया दिनुहोस