- विशेष खबर आइतबार २२, जेठ २०७९ ०७:२५
बुटवल । जनकपुरबाट भैरहवातर्फ गइरहेकाे बस दुर्घटना हुँदा नाै जनाको मृत्यु भएको छ । लु २ ख ३८४१ नम्बरको बस बस आइतबार बिहान ५ बजेतिर भैरहवा-परासी हुलाकी राजमार्ग खण्डमा भैरहवा नजिकैको रोहिणी खोलाको पुलबाट खोलामा खसेकाे हाे ।
दुर्घटनामा नाै जनाको मृत्यु भएको छ । सुरक्षाकर्मी र स्थानीयको उद्धारमा सबै घाइते यात्रुलाई उद्धार गरी अस्पतालमा पुर्याइएको थियाे । अहिलेसम्म ३२ जना यात्रुकाे उद्धार गरी भैरहवास्थित भीम अस्पतालमा र युनिभर्सल शिक्षण अस्पतालमा पुर्याइएको मध्ये भीम अस्पतालमा ४ जना र युनिर्भसल शिक्षण अस्पतालमा ५ जना गरी नाै जनाको मृत्यु भएको प्रहरीले जनाएकाे छ ।
मृतकमध्ये एक जना महिला र अरु ८ जना पुरुष रहेका छन् । उनीहरूको सनाखत भने भइसकेको छैन ।
दुर्घटनामा घाइतेहरूको भैरहवाको भीम अस्पताल र मेडिकल कलेजमा उपचार भइरहेको जिल्ला ट्राफिक प्रहरी कार्यालय रुपन्देहीका प्रहरी निरीक्षक केशव केसीले बताए
प्रतिकृया दिनुहोस