- विशेष खबर सोमबार १६, जेठ २०७९ ११:१८
काठमाडाैं । मुस्ताङमा दुर्घटनाग्रस्त अवस्थामा फेला परेको तारा एयरको जहाजमा सवार २२ जनामध्ये १४ जनाको शव संकलन भएको छ ।
त्रिभुवन विमानस्थल नागरिक उड्ययन प्राधिकरणका प्रवक्ता टेकनाथ सिटौलाले २२ मध्ये १४ जना यात्रुको शव संकलन भएको जानकारी दिए । उनले अन्यको खोजी जारी रहेको बताए । उनका अनुसार शव भेटिएकामध्ये केहीको चिनिने अवस्था र केहीको क्षतविक्षत अवस्थामा शव भेटिएको छ ।
आइतबार सम्पर्कविहीन भएको विमान सोमबार बिहान मुस्ताङको थासाङ गाउँपालिका–२ मा भेटिएको थियो। स्थानीयले खबर गरेपछि नेपाली सेना र प्रहरीको टोली घटनास्थल पुगेको थियो । जहाज पुरै टुक्राटुक्रा अवस्थामा छ । अहिले शव संकलन गरिरहेको नेपाली सेनाको विजयपुर ब्यारेकका प्रमुख सेनानी प्रेम पौडेलले जानकारी दिए । दुर्घटनामा परी मृत्यु भएकाहरूको शव सिधै काठमाडौं ल्याइने छ ।
चालक दलका तीन सहित २२ जना सवार जहाज पोखराबाट जोमसोमका लागि उडेको थियो । अधिकारीहरूका अनुसार जहाजमा सवार कसैलाई पनि जिवित अवस्थामा भेट्ने सम्भावना छैन ।
प्रतिकृया दिनुहोस