प्यूठान जीप दुर्घटना अपडेट : मृतककाे संख्या ८ पुग्यो, ५ जनाकाे सनाखत

प्यूठान । ओखरपाटामा शनिबार बिहान भएकाे जीप दुर्घटनामा मृत्यु हुनेको संख्या ८ पुगेको छ । ६ जनाकाे घटनास्थलमै र दुई जनाको उपचारका क्रममा जिल्ला अस्पताल बिजुवारमा मृत्य भएको जिल्ला प्रहरी कार्यालय प्यूठानका सूचना अधिकारी देवीप्रसाद गैह्रेले बताए।

नौबहिनी गाउँपालिकाको लुङबाट दुलही लिएर गौमुखी गाउँपालिकाको लिवाङ जाँदै ग १ ज ५०९२ नम्बरको जीप ओखरपाटामा शनिबार बिहान ३ बजेतिर दुर्घटना भएको हो ।

सनाखत भएका मृतकमा ४० वर्षीया बसन्ती खड्का, ३० वर्षीया केशरी खड्का, अन्दाजी ५० वर्षीय बलबहादुर बुढामगर, ३२ वर्षीय खिमबहादुर खत्री, ५० वर्षीय नन्दि खड्का छन् । अन्यको पहिचान खुल्न बाँकी छ ।

दुर्घटनामा घाइते ५ जनाको जिल्ला अस्पतालमा उपचार भइरहेको प्रहरीले जनाएको छ ।  जीप सडकदेखि ३०० मिटर तल खोल्सामा खसेको थियाे ।