बेहुली लिएर फर्कँदै गरेकाे जीप दुर्घटना, ६ जनाकाे मृत्यु

प्यूठान । बेहुली लिएर फर्कँदै गरेेकाे जीप दुर्घटना हुँदा प्यूठानमा ६ जनाकाे मृत्यु भएकाे छ । ७ जना घाइते छ्न् । नाैबहिनी गाउँपालिकाकाे लुङबाट बेहुली लिएर गाैमुखी गाउँपालिकाकाे लिवाङ जाँदै गरेकाे ग १ ज ५०९२ नम्बर को जीप ओखरपाटामा दुर्घटनामा भएकाे हाे ।

जिल्ला प्रहरी कार्यालय प्यूठानका अनुसार दुर्घटनामा ६ जनाकाे घटनास्थलमै मृत्यु भएकाे छ । दुर्घटनामा अन्य ७ जना गम्भीर घाइते भएका छन् । उनीहरूलाई उपचारका लागि जिल्ला अस्पताल बिजुवार ल्याइएको जिल्ला प्रहरी प्रमुख सत्यनारायण थापाले बताए ।

शनिबार बिहान ३ बजेतिर जीप सडक देखि ३०० मिटर तल खोल्सामा खसेको थियाे । दुर्घटनाको थप विवरण आउन बाँकी छ ।