२५२६ जनामा कोरोना पुष्टि, थप १६ जनाको मृत्यु

काठमाडौं । नेपालमा पछिल्लो २४ घण्टामा शुक्रबार २५ सय २६ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयकाअनुसार ११ हजार ७३ जनामा गरिएको नमूना परीक्षणमा २५ सय २६ जनामा  संक्रमण पुष्टि भएको हो ।

मन्त्रालयकाअनुसार पछिल्लो २४ घण्टामा थप १६ जनाको कोरोना संक्रमणबाट मृत्यु भएको छ । नेपालमा हालसम्म कोरोना संक्रमणबाट मृत्यु हुनेको संख्या ११ हजार ७ सय ९४ पुगेको छ ।

यस्तै, आज ८४ सय २५ जना संक्रमित निको भएका छन् । हाल देशभर ५६ हजार ४४७ कोरोनाका सक्रिय संक्रमित रहेका मन्त्रालयले जनाएको छ ।