थप ४ हजार ९ सय ४ जनामा कोरोना पुष्टि, ६ जनाकाे मृत्यु

काठमाडौं । नेपालमा शनिबार ४ हजार ९ सय ४ जनामा कोरोना संक्रमण पुष्टि भएको छ । देशभर गरिएको १० हजार १०१ पिसीआरबाट ३ हजार ३ सय १८ जना र ४ हजार ४ सय ६१ एन्टीजेन परीक्षणका क्रममा १ हजार ५ सय ८६ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । 

त्यस्तै कोरोनाका कारण थप ६ जनाको मृत्यु भएको छ । हालसम्म नेपालमा कोरोनाका कारण ११ हजार ७ सय ३ जनाको मृत्यु भएको छ । त्यस्तै थप ५ हजार ९ सय २४ जना निको हुँदा हालसम्म नेपालमा ८ लाख ४८ हजार ३ सय ६० जना निको भएका छन् । 

हाल नेपालमा ८७ हजार ३ सय २९ सक्रिय संक्रमित आइशोलेशन र १ सय ३९  जना क्वारेन्टाइनमा रहेको मन्त्रालयले जनाएको छ ।