सोमबार १५, बैशाख २०७७ १०:३७
काठमाडौं । थानकोट प्रहरीले विराटनगर महानगरले पठाएका यात्रुलाई व्यक्तिगत विवरण लिएर छाडेको छ ।
विराटनगर महानगरपालिकाले गाडी बुकिङ गरेर काठमाडौं पठाएका यात्रुलाई नागढुंगा चेकपोस्टका प्रहरीले २ घण्टा बढी राेकेर गन्तव्यमा जान दिएको हो । यात्रुको नाम, आएको र जाने ठाउँलगायतका विवरण टिपेर प्रहरीले यात्रुलाई छाडेको हो।
महानगरपालिकाले ७ वटा बसमा १६० जनालाई काठमाडौं पठाएको थियो। उनीहरुलाई गाडीबाट झारेर चेकपोस्टमा प्रहरीले केहीबेर रोकेको थियो। उनीहरु सोमबार बिहान साढे ८ बजे चेकपोस्ट आइपुगेका थिए।
प्रहरीले चेकपोस्टबाट अलि तल यात्रु झरेर बसहरु काठमाडौं प्रवेश गराए पनि यात्रुलाई भने रोकेर राखेको थियो।
प्रतिकृया दिनुहोस