सोमबार १५, बैशाख २०७७ १०:०४
काठमाडौं । विराटनगर महानगरपालिकाले गाडी बुकिङ गरेर काठमाडौं पठाएका यात्रुलाई नागढुंगामा प्रहरीले रोकेकाे छ ।
विराटनगर महानगरले करिब डेढ सय जनालालाई काठमाडौं पठाएको थियो। काठमाडौं प्रवेशका लागि माथिको आदेश चाहिने भन्दै प्रहरीले यात्रुलाई अहिले चेकपोस्टमा राेकेकाे छ। उनीहरु सोमबार बिहान साढे ८ बजे चेकपोस्ट आइपुगेका थिए। प्रहरीले चेकपोस्ट भन्दा केही तल झारेर बस काठमाडौं प्रवेश गराए पनि यात्रुलाई रोकेर राखेको हो।
८ बजे अगाडि विराटनगरलगायतका अन्य ठाउँबाट आएका याुत्र काठमाडौं प्रवेश गरिसकेका छन्। गाडीबाट यात्रु काठमाडौं प्रवेश गरिरहेको समाचार सार्वजनिक भएपछि प्रहरीले रोकेको हो।
प्रतिकृया दिनुहोस