आइतबार २३, जेठ २०७८ ०८:४५
सिरहा । सिरहामा गोली प्रहारबाट एक जना औषधि व्यवसायी घाइते भएका छन्।
मिर्चैया नगरपालिका ४ मा अज्ञात समूहले शनिबार बेलुकी गोली चलाउँदा मेडिकल सञ्चालक करिब ४० वर्षीय रामसागर साफी घाइते भएका हुन्।
साफीमाथि दुइटा गोली लागेको छ। बायाँ तीघ्रा र बायाँ हातमा गोली लागेको प्रहरीले जनाएको छ। उनको मंगलम् अस्पतालमा उपचार भइरहेको र अवस्था सामान्य रहेको अस्पताललाई उद्धृत गर्दै प्रहरीले जनाएको छ।
प्रहरीका अनुसार घरायसी विषयमा गोली चलेको देखिन्छ। दुई जना आफन्त नियन्त्रणमा लिएर थप अनुसन्धान जारी रहेकाे एसपी हीराबहादुर पाण्डेले बताए ।
प्रतिकृया दिनुहोस