२०८० चैत १५ गते बिहिबार | 28 March, 2024

स्कुटर दुर्घटनामा २ जनाको मृत्यु

बिहिबार १६, बैशाख २०७८ ०७:१६

स्कुटर दुर्घटनामा २ जनाको मृत्यु

दमाैली । तनहुँको ऋषिङ गाउँपालिका–१ धारापानीमा बुधबार साँझ भएको स्कुटर दुर्घटनामा दुइ जनाको मृत्यु भएको छ । ऋषिङ–४ थप्रेकबाट दमौलीतर्फ आउँदै गरेको ग १८ प ३७७ नम्बरको स्कुटर दुर्घटना हुँदा सवार दुवै जनाको मृत्यु भएको हो । 

मृत्यु हुनेमा ऋषिङ–४ का ३७ वर्षीय सन्देश गजमेर र सोही ठाउँकी २६ वर्षीया पवित्रा रानाभाट रहेको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिए ।

सन्देशलाई दमौली अस्पतालमा चिकित्सकले मृत घोषणा गरेका थिए भने पवित्राको पोखरास्थित मणिपाल शिक्षण अस्पतालमा मृत्यु भएको उनले बताए । 

मृतकमध्ये सन्देश बालविकास माध्यमिक विद्यालयमा लेखापालका पदमा कार्यरत थिए भने पवित्रा महेन्द्रज्योति माध्यमिक विद्यालयकी शिक्षिका हुन् । कोरोना सङ्क्रमणका कारण विद्यालय बन्द भएपछि उनीहरु दमौली फर्किँदै थिए । ओरालोमा ब्रेक फेल भई अनियन्त्रित भई स्कूटर पल्टिँदा दुर्घटना भएको प्रहरीले जनाएको छ । 


प्रतिकृया दिनुहोस