- विशेष खबर सोमबार १५, मङि्सर २०७७ ०८:१४
चितवन । स्वास्थ्य तथा जनसंख्या मन्त्री भानुभक्त ढकालले कोभिड–१९ विरुद्धको खोप ७२ प्रतिशत जनतालाई उपलब्ध गराउने बताएका छन् ।
भरतपुर अस्पतालको आज आकस्मिक सेवा भवन र सरुवा रोग सेवा भवनको शिलन्यास कार्यक्रमलाई सम्बोधन गर्दै मन्त्री ढकालले १४ वर्ष मुनिकाका बालबालिकाका लागि खोप परीक्षण नै नगरिएकाले लगाउन नमिल्ने बताए ।
'खोप कति अनुदानमा र कति खरिद गरेर ल्याउने भन्ने विषयमा सरकारीले निर्णय गर्नेछ', ढकालले भने, 'खोप विश्व स्वास्थ्य सङ्गठनले प्रमाणित गरे लगत्तै नेपालमा पनि उपलब्ध हुन्छ ।'
मन्त्री ढकालले भने, कोरोना उपचार र नियन्त्रणका लागि सरकारले गरेको काम उल्लेखनीय रहेको बताउँदै आर्थिक रुपमा विकसित देशसमेत यसको उपचार र रोकथामका लागि घुँडा टेकेका छन् । तर हामीले गरेको सेवा गर्भ गर्न लायक छ ।
कोरोनाबाट बच्नका लागि सामाजिक दूरी नै महत्वपूर्ण रहेको र साझा मोर्चाबाट काम गरेर राेगलाई नियन्त्रण गर्नुपर्ने भन्दै सरकारले तोकेको स्वास्थ्य मापदण्ड पालना गर्न उनले आग्रह समेत गरे ।
प्रतिकृया दिनुहोस