आइतबार ०७, मङि्सर २०७७ ०१:१४
धादिङ । पृथ्वीराजमार्ग अन्तर्गत गजुरी गाउँपालिका वडा नम्बर ५ गलौँदीमा आज बिहान कार र टिपर ठोक्किएर दुर्घटना हुँदा सल्यानटारका दीपेश केसीको ज्यान गएको छ ।
मुग्लिनबाट काठमाडौंतर्फ जाँदै गरेको बा २ ज २३५६ नम्बरको कार र विपरीत दिशाबाट आएको बा ४ ख ८१४३ नम्बरको टिपर ठोकिँदा कारमा सवार त्रिपुरासुन्दरी गाउँपालिका वडा नम्बर १ का २४ वर्षीय केसीको मृत्यु भएको हो ।
दुर्घटनामा तीन जना घाइते भएका छन् । दाङ शान्तिनगर नगरपालिका वडा नम्बर ९ का ३८ वर्षीया वर्षा केसी र काठमाडौँ कलङ्की निवासी सुधीर सुवेदी गम्भीर घाइते भएकाे प्रहरीले जनाएकाे छ । एक जनाको सामान्यावस्था छ ।
घाइतेलाई गजुरी अस्पतालमा सामान्य उपचारपछि काठमाडाैं ट्रमा सेन्टर पठाइएको प्रहरीले जनाएको छ ।
प्रतिकृया दिनुहोस