आइतबार १८, असोज २०७७ ०४:३८
काठमाडाैं । पछिल्लाे २४ घन्टामा थप २ हजार २५३ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशभरका प्रयोगशालामा १२ हजा ७८४ नमुना परीक्षण गर्दा सो संख्याका संक्रमित थपिएका हुन्।
यस्तै काठमाडौं उपत्यकाका १ हजार ५९९ जना संक्रमित थपिएका छन् । काठमाडौंका १३७३ जना, ललितपुरका १८७ र भक्तपुरका ३९ जनामा संक्रमण पुष्टि भएको छ ।
यीसहित हालसम्म देशभर संक्रमित हुनेको संख्या ८६ हजार ८२३ पुगेको छ।
यस्तै पछिल्लाे २४ घन्टामा १ हजार ३२९ जना कोरोनाबाट निको भएका छन्। यीसहित हालसम्म निको हुनेको संख्या ६४ हजार ६९ पुगेको छ।
हाल देशका विभिन्न ठाउँमा सक्रिय संक्रमितको संख्या २२ हजार २१९ रहेको प्रवक्ता गौतमले बताए।
त्यस्तै बिगत २४ घन्टामा संक्रमणबाट थप ७ जनामा मृत्यु भएको छ। यीसहित हालसम्म कोरोनाबाट मृत्यु हुनेको संख्या ५ सय ३५ रहेको छ।
प्रतिकृया दिनुहोस