- विशेष खबर आइतबार ११, असोज २०७७ ०४:४६
काठमाडौं । पछिल्लाे २४ घन्टामा उपत्यकामा थप ८ सय ९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा आइतबार प्रवक्ता डा जागेश्वर गौतमले पछिल्लो २४ घन्टामा उपत्यकाका तीन जिल्लामा ८ सय ९ जनामा संक्रमण पुष्टि भएको जानकारी दिएका हुन् ।
प्रवक्ता डा गौतमका अनुसार काठमाडौंमा ६ सय ३३, ललितपुरमा १ सय ४ र भक्तपुरमा ७२ जना रहेका छन् ।
२४ घन्टामा १० हजार १ सय २३ पीसीआर परीक्षण भएका छन् ।
यस्तै २४ घन्टामा नेपालभर थप १५ सय ७३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
प्रतिकृया दिनुहोस