शनिबार २०, भदौ २०७७ ०२:५३
एजेन्सी । चीनले कम्तीमा पनि अन्तर्राष्ट्रिय दायित्व पूरा गर्न अमेरिकालाई आग्रह गरेको छ । बेइजिङमा शुक्रबार आयोजना गरिएको नियमित पत्रकार सम्मेलनका क्रममा चिनियाँ विदेशमन्त्रालयका प्रवक्ता हुवा चुविङले अमेरिकम लाइ अन्तर्राष्ट्रिय दायित्व पूरा गर्न आग्रह गरेका हुन् ।
अमेरिकी विदेश मन्त्रालयका प्रवक्ता मोर्गन अर्टेगसले हालै विश्व स्वास्थ्य संगठनका बारेमा दिएको प्रतिक्रियापछि चीनका विदेशमन्त्रालयका प्रवक्ताको यो भनाई आएको छ ।
अमेरिकी विदेश मन्त्रालयका प्रवक्ता मोर्गन अर्टेगसले हालै विश्व स्वास्थ्य संगठनसंग अमेरिकी सम्बन्ध तथा सहयोग घटाउँदै लैजाने र अर्का लटमा त्यस विषयमा अमेरिकाको थप निर्णय आउने बताएका थिए ।
पत्रकार सम्मेलनका क्रममा यसै विषयमा आएको प्रश्नको जवाफ दिदै प्रवक्ता हुवाले सो धारणा राखेका हुन् । हुवाले भने, अमेरिकाले कम्तीमा पनि अन्तर्राष्ट्रिय दायित्वहरुलाई बुझ्न सक्नुपर्छ र त्यसको पालना पनि गर्नुपर्छ ।
विश्व कोभिड १९को महामारीमा फसेका बेला हरेक देशले यो महामारीको अन्त्यका लागि आवश्यक रुपमा मिलेर काम गर्नुपर्ने प्रवक्ता हुवाको भनाई थियो ।
यस अवस्थामा विश्व स्वास्थ्य संगठनसंगको संलग्नता या अरु कुनै पनि विषयमा बेमेल राखेर नभएर मिलेर र समन्वय गरेर काम गर्नुपर्नेमा उनले जाेड दिए ।
हालैका केही समययता अमेरिकाले विश्व स्वास्थ्य संगठनसंगको सम्बन्धलाई नै तोडिदिएको छ । अमेरिकाले विश्व स्वास्थ्य संगठनलाई दिँदै आएको आर्थिक सहायताको काम पनि रोकेको छ ।
जसले गर्दा उक्त संगठन आर्थिक समस्यामा पनि फस्नसक्ने देखिएको विश्लेषण गर्न थालिएका समाचारहरु आइरहेका छन् ।
प्रतिकृया दिनुहोस