बुधबार २८, साउन २०७७ ११:४८
डाेटी । डोटीमा भएको बस दुर्घटनामा परी ज्यान गुमाएका तीन जनाको सनाखत भएकाे छ।
दुर्घटनामा मृत्यु हुनेमा अछामको बान्नीगढी जयगढ गाउँपालिका ३ का ५९ वर्षीय पदम साउद, चौरपाटी गाउँपालिका ७ का ३१ वर्षीय टीकाराम विक र साँफेबगर नगरपालिका २ का ५५ वर्षीय लक्ष्मीदेवी विक रहेको प्रहरीले जनाएको छ।
मृतकको शव परीक्षणका लागि जिल्ला अस्पताल डोटी लगिएको जिल्ला प्रहरी कार्यालय डोटीका प्रहरी नायब उपरीक्षक ईन्द्रबहादुर मल्लले जानकारी दिए। घाइते भएका ३१ मध्ये १२ जनाको अवस्था गम्भीर रहेको उनले बताए।
तीमध्ये पाँच जनालाई एम्बुलेन्समार्फत् सेती प्रादेशिक अस्पताल धनगढी रिफर गर्न लागिएको मल्लले बताए। अन्यको जिल्ला अस्पताल डोटीमै उपचार भइरहेको छ।
कैलालीको त्रिनगर नाका हुँदै भारतबाट फर्केकालाई बोकी धनगढीबाट अछामका लागि छुटेको ना ६ ख २५२९ नम्बरको गाडी बुधबार बिहान दुर्घटनामा परेको हो। बस सडकबाट एक सय मिटर तल खसेको छ।
प्रतिकृया दिनुहोस