सोमबार १२, साउन २०७७ ०३:०३
नयाँदिल्ली । भारतमा कोरोना भाइरसबाट पछिल्लो २४ घण्टामा ४९ हजार ९३१ जना कोरोना भाइरसबाट संक्रमित भएका छन् ।
केन्द्रिय स्वास्थ्य तथा परिवार कल्याण मन्त्रालयले सोमबार दिएको जानकारी अनुसार भारतमा अहिलेसम्म कोरोनाबाट संक्रमित भएकाको कुल संख्या १४ लाख ३५ हजार ४५३ पुगेको छ ।
तीमध्ये चार लाख ८५ हजार ११४ जना अझै पनि संक्रमित अवस्थामै रहेका छन् भने ९ लाख १७ हजार ५६८ जना संक्रमणमुक्त भइसकेका छन् ।
त्यसैगरी पछिल्लो २४ घण्टामा भारतमा कोरोनाबाट संक्रमित भएर ७०८ जनाको मृत्यु भएको छ । योसंगै कुल मृतकको संख्या ३२ हजार ७७१ पुगेको अधिकारीले जनाएका छन् ।
प्रतिकृया दिनुहोस