बिहिबार ०१, साउन २०७७ ०८:२६
काठमाडाैं । बुधबार राति खसेको पहिरोमा परी सिन्धुपाल्चोककाे भोटेकोशी गाउँपालिका–४ फुल्पिङकट्टीको माथिल्लो भेगमा दुई घर बगेको छ भने पाँच जना बेपत्ता भएका छन् ।
राति १ः३० बजे वर्षासँगै झरेको पहिरोमा घर परेको भोटेकोशी गाउँपालिका उपाध्यक्ष दाबुटी शेर्पाले जानकारी दिए।
पहिरोमा परी दुई घरका पाँच जना बेपत्ता भएको जानकारी प्राप्त भएको जिल्ला प्रहरी कार्यालयका प्रहरी निरीक्षक रामचन्द्र घिमिरेले बताए । प्रहरी घटनास्थलमा अझै पुग्नसकेको छैन ।
गत साता भोटेकोसीमा आएको बाढी र पहिरोका कारण कोदारी राजमार्ग क्षतविक्षत भएकाले उद्धारका लागि सुरक्षाकर्मी घटनास्थल पुग्न गाह्रो भइरहेको छ । अहिले स्थानीय र जनप्रतिनिधिले बेपत्ताको खोजी गरिरहेका छन् ।
प्रतिकृया दिनुहोस