- विशेष खबर शनिबार ०६, असोज २०८० ०७:४१
काठमाडाैं । एसियाली खेलकुद प्रतियोगिता शनिबारदेखि चीनको उत्तर दक्षिणी सहर हाङचउ सहरमा सुरु हुँदै छ ।
कोरोना प्रकोपका कारण एक वर्षपछि सरेको प्रतियोगिता अहिले हुन लागेकाे हाे । प्रतियोगितामा ४५ देशका १२ हजारभन्दा बढी खेलाडीको सहभागिता रहनेछ । यो एसियाली खेलकुदमा अहिलेसम्मको सबै सहभागिताभन्दा बढी भएकाे जनाइएकाे छ ।
चिनियाँ राष्ट्रपति सी चिनफिङले हाङचउ स्पोर्ट्स पार्क स्टेडियममा विशेष कार्यक्रमबीच प्रतियोगिता उद्घाटन गर्नेछन् ।
चिनियाँ संचारमाध्यमका अनुसार सीले प्रतियोगिताको उद्घाटन समाराेहमा अन्य धेरै राष्ट्राध्यक्ष र सरकार प्रमुख पनि सहभागी हुनेछन् ।
संयुक्त राष्ट्र संघकाे महासभामा भाग लिन अमेरिका गएका नेपालका प्रधानमन्त्री पुष्पकमल दाहाल पनि चीन भ्रमणका लागि शुक्रबार उतैबाट बेइजिङ पुगेका छन् । प्रधानमन्त्री दाहाल पनि एशियाली खेलकुद उद्घाटन समारोहमा सहभागी हुने भएका छन् ।
चीनमा आयोजना हुन लागेको यो तेस्रो एसियाली खेलकुद हो । यसअघि बेइजिङ र ग्वाङचउमा यो बृहत् खेलकुदको आयोजना भएको छ ।
प्रतिकृया दिनुहोस