- विशेष खबर मङ्गलबार २१, असार २०७९ ०७:५२
काठमाडौं । नेपालमा इन्धनको भाउ फेरि बढेको छ । नेपाल आयल निगमले पेट्रोल प्रतिलिटर २ तथा डिजेल र मट्टितेलमा ९ रुपैयाँ मूल्य वृद्धि गरेको हो ।
त्यस्तै निगमले हवाई इन्धन आन्तरिकतर्फ प्रतिलिटर ५ रुपैयाँ वृद्धि गरेको छ । नयाँ मूल्य सोमबार राति १२ बजेदेखि लागू भएकाे आयल निगमले जारी गरेको विज्ञप्तिमा उल्लेख छ ।
पछिल्लो १५ दिनमा प्रशोधित पेट्रोलियम पदार्थहरूको अन्तर्राष्ट्रिय बजार मूल्यमा भएको बृद्धि अनुरुप इण्डियन आयल कर्पोरेशन लिमिटेडबाट असार १७ गते प्राप्त नयाँ मूल्यसूची अनुसार विक्री मूल्य समायोजन गर्नु परेको निगमको भनाइ छ ।
प्रतिकृया दिनुहोस