एजेन्सी शनिबार ११, पुष २०७७ ०४:३०
मेलबर्न । नियमित कप्तान विराट कोहली बिना पनि भारतीय टिमले आफ्नो बलियो उपस्थिति देखाउँदै अस्ट्रेलियाविरुद्धको पहिलो टेस्टको पहिलो दिन आफूलाई बलियो स्थितिमा पुर्याएको छ ।
दिनको खेल समाप्त हुँदा भारतले एक विकेट गुमाएर ३६ रन बनाएको छ ।
पाहुना टिमका लागि डेब्यु गरिरहेका शुभमन गिल २८ र चेतेश्वर पुजारा सात रनमा खेलिरहेका छन् । प्रारम्भिक ब्याट्सम्यान मायन्क अग्रवाले भने शून्यमा आउट भए । भारत अझै १ सय ५९ रनले पछाडि छ ।
एडिलेड टेस्टमा बेहोरेको बिर्सनलायक हारपछि कोहली घर फर्केका थिए । उनको स्थानमा अजिन्के रहानेले टिमको नेतृत्व गरिरहेका छन् । मेलबर्न क्रिकेट मैदानमा टस जितेर पहिले ब्याटिङ गरेको अस्ट्रेलिया १ सय ९५ रन बनाएर अलआउट भएको थियो ।
प्रतिकृया दिनुहोस