आइतबार २८, भदौ २०७७ ०१:०४
सिन्धुपाल्चोक । शनिबार राति बाह्रबिसे नगरपालिका–७ का दुइ वटा बस्ती बगाउने गरी खसेको पहिरोमा बेपत्तामध्ये अहिलेसम्म ७ जनाको शव फेला परेको छ ।
२४ जना अझै बेपत्ता छन् । राति तीन बजेतिर बस्तीमाथिको घट्टे खोला उर्लेर खसेको पहिरोमा भीरखर्कका १० र नागपुजे गाउँका सात घर पुरिएका छन् ।
प्रहरी नायब उपरीक्षक प्रकाश सापकोटाका अनुसार अहिलेसम्म मृत्यु हुनेमा नागपुजेका ६२ वर्षीया भक्तिमाया श्रेष्ठ र ९८ वर्षीया ट्याक्सी शेर्पा तथा भीरखर्कका २३ वर्षीया जुनु विक, २४ वर्षीय शुकलाल विक, ८ वर्षीय सन्देश विक, ६० वर्षीया सर्किनी नेवार र ६५ वर्षका धनलाल विक छन् ।
बेपत्ता २४ जनाकाे नेपाली सेना, सशस्त्र र जनपद प्रहरीको संयुक्त टोलीले खोजी गरिरहेको छ ।
प्रतिकृया दिनुहोस