नदीमा डुबेर दुई बालिकाको मृत्यु

महेन्द्रनगर । लालझाडी गाउँपालिका–२ कञ्जका दुई बालिकाको दोदा नदीमा डुबेर मृत्यु भएको छ ।  

जिल्ला प्रहरी कार्यालयका प्रहरी नायब उपरीक्षक अमरबहादुर थापाका अनुसार १४ वर्षीया निष्ठा राना र १५ वर्षीया मोनिका रानाको दोदा नदीमा डुबेर मृत्यु भएको हो । मृतक दुवैको शव बगेको स्थानबाट तीन सय मिटर टाढा फेला परेको थियो । 

'मृतक दुवै बालिका माछा मार्नका लागि नदीमा गएको परिवारजनबाट बुझिएको छ', प्रहरी उपरीक्षक थापाले भने, 'घटनाबारे थप अनुसन्धान भइरहेको छ ।' 

मृतक दुवै बालिकाको शव परीक्षणका लागि अस्पताल ल्याउने तयारी भइरहेको प्रहरिले जनाएकाे छ ।