बुधबार ०३, भदौ २०७७ ०६:३५
एजेन्सी । बार्सिलोनाले बुधबार आफ्नो नयाँ प्रशिक्षकमा रोनाल्ड कोमनलाई नियुक्त गरेको छ । यसअघिका प्रशिक्षक क्विक सेटिनलाई बर्खास्त गरेको दुई दिनपछि कोमनलाई नियुक्त गरिएको हो ।
बार्सिलोनामा जिम्मेवारी सम्हाल्न ५७ वर्षीय कोमनले नेदरल्यान्डको प्रशिक्षक पद भने छाडेका छन् । डच फुटबल संघसँग उनको दुई वर्षको अनुबन्ध बाँकी थियो ।
सन् १९८९ देखि १९९५ सम्म बार्सिलोनाका खेलाडी समेत रहेको कोमनले त्यसबीचमा चार लिग उपाधि र एक युरोपियन कप जितेका थिए ।
यस सिजन भने बार्सिलोना उपाधिविहीन रह्यो । सन् २००७–०८ यता बार्सिलोनाले कुनै उपाधि नजितेको यो पहिलो पल्ट हो ।
प्रतिकृया दिनुहोस