आइतबार २५, साउन २०७७ ०९:०३
बार्सिलोना । लियोनल मेसीको उत्कृष्ट प्रदर्शनको मद्दतले बार्सिलोनाले शनिबार नेपोलीलाई ३–१ ले हराएर युरोपेली च्याम्पियन्स लिगको अन्तिम आठमा प्रवेश गरेको छ ।
बार्सिलोना दुई टाइको खेलपछि समग्रमा ४–२ ले अगाडि रह्यो । बार्सिलोना च्याम्पियन्स लिगको क्वाटरफाइनल पुगेको यो लगातार १३ औं सिजन हो ।
अब सेमिफाइनल प्रवेशका लागि बार्सिलोनाले बायर्न म्युनिकको सामना गर्नेछ ।
बार्सिलानाका लागि क्लेमेन्ट लेनग्लेट, मेसी र लुइस स्वारेजले गोल गरे ।
टिमको दोस्रो गोलका लागि मेसीले विपक्षी चार डिफेन्डरलाई छलाएर बललाई घुमाउने बाटो दिएका थिए । नेपोलीका तर्फबाट लोरेन्जो इनसिग्नेले एक गोल फर्काए ।
प्रतिकृया दिनुहोस