२०७९ मङि्सर १४ गते बुधबार | 30 November, 2022

राष्ट्रिय क्रिकेट टिमका नयाँ कप्तान बने रोहितकुमार

- विशेष खबर शुक्रबार २५, कार्तिक २०७९ ०९:४१

राष्ट्रिय क्रिकेट टिमका नयाँ कप्तान बने रोहितकुमार

काठमाडौं । नेपाल क्रिकेट संघ (क्यान)ले रोहितकुमार पौडेललाई नयाँ कप्तान नियुक्त गरेको छ । सन्दीप लामिछाने निलम्बनमा परेपछि राष्ट्रिय टिमको कप्तान पद रिक्त थियो । क्रिकेट संघले शुक्रबार साँझ रोहितलाई कप्तानको जिम्मेवारी दिएको हो ।

नेपालले यही कात्तिक २८ देखि घरेलु मैदान युएईविरुद्ध तीन खेलको एकदिवसीय अन्तर्राष्ट्रिय (ओडिआई) शृंखला खेल्दैछ । त्यसैको पूर्वसन्ध्यामा क्यानले नयाँ कप्तान नियुक्त गरेको हो ।

रोहितले अब सन्दीप लामिछानेको स्थान लिनेछन् । केन्या टुरमा रोहितले ५० ओभरको खेलमा नेपालको कप्तानी गरिसकेका छन् । यसअघि सन्दीप कप्तान हुँदा रोहित उपकप्तान थिए । रोहितले नेपालको यू-१९ उमेर समूहको कप्तानी गरेका थिए ।


प्रतिकृया दिनुहोस