- विशेष खबर शुक्रबार २८, फागुन २०७७ ०७:०७
काठमाडौं । प्रधानमन्त्री तथा एमाले अध्यक्ष केपी शर्मा ओली पक्षले पदाधिकारी र केन्द्रीय कमिटी खारेज गरेर महाधिवशेन तोकेपछि एमालेको माधवकुमार नेपाल पक्षको स्थायी कमिटी बैठक बस्न लागेको छ ।
काठमाडौं नयाँ बानेश्वरमा बस्न लागेको बैठकमा नेताहरू जुट्न लागेको नेता नेपालको सचिवालयले जानकारी दिएको छ । बैठकमा झलनाथ खनाल, वामदेव गौतमलगायतका नेताहरू पनि सहभागी हुने बताइएको छ ।
'केही सदस्यहरू जुटिसक्नुभएको छ । योगेश भट्टराई र घनश्याम भुसाल उपत्यकाबाहिरबाट आउँदै हुनुहुन्छ । उहाँहरू आएपछि बैठक बस्नेछ,' नेपालको सचिवालयले जानकारी दियो ।
प्रधानमन्त्री तथा एमाले अध्यक्ष ओलीले बालुवाटारमा शुक्रबार दुई पटक केन्द्रीय कमिटी बैठक बसेका थिए । ती बैठकमा माओवादी छोडेर एमालेमा लाग्ने नेताहरूलाई जिम्मेवारी दिने, महाधिवेशन मंसिरमा गर्ने, प्रदेश इन्चार्जको जिम्मेवारीमा नयाँ नेतालाई तोक्ने काम गरेको थियो ।
प्रतिकृया दिनुहोस