२०७८ साउन १२ गते मङ्गलबार | 27 July, 2021

एमाले र माओवादी केन्द्रबीच एकताको सम्भावना खोज्नुपर्छ : रघुजी पन्त

- विशेष खबर सोमबार २४, फागुन २०७७ ०६:२७

एमाले र माओवादी केन्द्रबीच एकताको सम्भावना खोज्नुपर्छ : रघुजी पन्त

काठमाडौं । साविक नेकपा दाहाल–नेपाल समूहका स्थायी कमिटी सदस्य रघुजी पन्तले सर्वोच्च अदालतको फैसला पछिको परिप्रेक्ष्यमा एमाले र माओवादी केन्द्रबीच एकताको सम्भावना खोज्नुपर्ने बताएका छन् ।

सोमबार कोटेश्वर पेरिसडाँडामा जारी साविक दाहाल–नेपालसमूहको स्थायी कमिटी बैठकमा पार्टी एकता जोगाउन पुष्पमल दाहाल र केपी ओली बसेर सम्भावना खोज्नु पर्ने धारणा आफूले राखेको पन्तले बताए ।

‘जसरी एकता प्रक्रिया सुरु भएको थियो, त्यो एकता प्रक्रिया आफैमा राम्रो थियो । एकताले लोकतन्त्र, नेपालको संविधानलाई जोगाएर जान सकिन्छ । सर्वोच्च अदालतको फैसलापछिको नयाँ परिप्रेक्ष्यमा फेरि पनि कुराकानी गरेर एकता जोगाउने सम्भावना छन् भने खोज्नुपर्छ भनेको छु,’ पन्तले भने, ‘तर, त्यसको लागि फेरि पनि कमरेड प्रचण्ड र कमरेड केपी ओलीले कुराकानी अगाडि बढाउनु पर्‌यो । बसेर छलफल गर्नुपर्‌यो ।’

अदालतले अलि बढी राजनीतिक फैसला गरेको भन्दै पन्तले फैसला मान्नै पर्ने बताए । ‘सर्वोच्चको फैसला सम्मान गर्नुपर्‌यो । तर, अलिबढी राजनीतिक भयो भन्ने छ । बैठक जारी छ । साथीहरु विभिन्न कोणबाट आफ्ना धारणा राखिरहनु भएको छ,’ पन्तले भने 


#एमाले #माओवादी केन्द्र #रघुजी पन्त

प्रतिकृया दिनुहोस