एजेन्सी शुक्रबार २३, माघ २०७७ ०७:१९
चेन्नई । इंग्ल्यान्डले भारतविरुद्धको पहिलो टेस्टको पहिलो दिन शुक्रबार उत्कृष्ट सुरुवात गरेको छ र कप्तान जोए रुटले आफ्नो सयौं टेस्टमा शतक प्रहार गरेका छन् ।
पहिलो दिनको समाप्तिमा इंग्ल्यान्ड ३ विकेट गुमाएर २ सय ६३ रनको स्थितिमा छ ।
रुट १ सय २८ रन बनाएर खेलिरहेका छन् । उनले १४ चौका र एक छक्का प्रहार गरेका छन् । दिनको अन्त्यमा इंग्ल्यान्डले आफ्ना प्रारम्भिक ब्याट्सम्यान डम सिब्लीलाई ८७ रनमा गुमाएको थियो ।
सिब्लीले दिनको अन्तिम बलमा जसप्रित बुमराहको बलमा एलबीडब्लू आउट भए । उनले रुटसँग मिलेर तेस्रो विकेटका लागि दुई सय रनको साझेदारी गरे ।
प्रतिकृया दिनुहोस