आइतबार १४, मङि्सर २०७७ १०:४४
एजेन्सी । रियाड मेहरेजको ह्याट्रिकमा म्यानचेस्टर सिटीले इंग्लिस प्रिमियर लिगमा शनिबार बर्नलीलाई ५–० ले हराएको छ । घरेलु मैदान एतिहाडमा पेप ग्वार्डिओलाको सिटीले बर्नलीलाई पाँच गोलले हराएको यो लगातार चौथोपल्ट हो ।
अल्जेरियाली खेलाडी महेरेजले ६९औं मिनेटमा आफ्नो ह्याट्रिक पूरा गरे । टिमको सुरुआती दुई गोल उनकै नाममा रह्यो । सिटीका लागि बेन्जामिन मेन्डी र फेरान टोरेसले पनि एक–एक गोल गरे ।
सिटीको नौ खेलबाट १५ अंक भएको छ । टोली अझै आठौं स्थानमा रहेको छ । बर्नली भने पाँच अंकसहित लिग तालिकाको पुछारबाट तेस्रो स्थानमा छ ।
प्रतिकृया दिनुहोस