बुधबार २८, साउन २०७७ ०८:२०
काठमाडौं । नेपालको राष्ट्रिय फुटबल टिमले भदौदेखि शुरु गर्ने भनिएको प्रशिक्षण स्थगित भएको छ ।
अक्टोबर/नोभेम्बरमा हुने भनिएको फिफा विश्वकप र एएफसी एसिया कपको संयुक्त छनोट खेलहरु २०२१ मा सरेपछि नेपाली फुटबल टिमको प्रशिक्षण सुरु नहुँदै स्थगित भएको हो ।
नेपालले दशरथ रंगशालामा चिनियाँ ताइपेयी, अस्ट्रेलिया र जोर्डनविरुद्ध खेल्ने तालिका थियो । यसका लागि एएफसीले मितिसमेत तय गरिसकेको थियो ।
विश्वकप छनोट अन्तर्गतका खेलहरु २०२१ मा हुने भनिएपनि कुन मितिमा हुने तोकिएको छैन ।
सरकारले केही समयअघि लकडाउन खुला गर्दै भदौ १ देखि जनस्वास्थयको मापदण्ड अपनाएर अन्तर्राष्ट्रिय स्तरको प्रशिक्षण सुरु गर्न सकिने निर्णय गरेको थियो ।
त्यसै अनुसार अखिल नेपाल फुटबल संघले उपत्यकाबाहिर रहेका खेलाडीसमेत बोलाएर कोरोना संक्रमण परीक्षण समेत गराएको थियो ।
प्रतिकृया दिनुहोस