- विशेष खबर बुधबार ०१, भदौ २०७९ ०४:४४
धनगढी। कैलालीको धनगढीमा आगामी कात्तिकमा सञ्चालन हुने विद्यालय स्तरीय यू–१९ राष्ट्रिय क्रिकेट प्रतियोगिता लिटल फ्लावर प्रिमियर लिग (एलपीएल)को टिकेटिङ पार्टनर आईएमई डिजिटल सोलुसन लिमिटेड रहने भएको छ ।
आयोजक लिटल फ्लावर स्पोर्ट्स एन्ड इभेन्ट्सका अध्यक्ष रामचन्द्र शाही र आईएमई डिजिटल सोलुसन लिमिटेडका सुदूरपश्चिम प्रमुख जगदीश अवस्थी बीच बुधबार उक्त सम्झौता पत्रमा हस्ताक्षर भएको हो ।
सम्झौता पछि यस सिजनकाे एलपीएलमा टिकटको सम्पूर्ण व्यवस्थापन आईएमई पे ले गर्ने छ । एलपीएलको सातौँ संस्करण आगामी कात्तिक १३ गतेदेखि धनगढीमा सञ्चालन हुन लागेकाे हाे ।
सातौँ संस्करणमा देशभरका १० विद्यालय स्तरीय टिमलाई सहभागी गराइने शाहीले बताए । प्रत्येक टिमले ४ जना खेलाडी यु–१९ उमेर समूहका विद्यालय बाहिरका समेत राख्न पाउने व्यवस्था छ ।
प्रतिकृया दिनुहोस